193自嘲垃圾 帮唔到胞妹入围《造星IV》

　　（星岛日报报道）ERROR透露每日会轮流参与奥运节目，193爆肥仔因要拍MV而要兄弟顶足4日厂期，笑他走红後变嚣张；保錡即笑说：「我帮到你呀！我系香港摄时间之王！」肥仔解释因要跟姜涛拍摄合唱歌MV，更保证是香港近年未出现过的曲风；阿Dee即笑问：「教堂嗰啲？」193续问：「《爱是不保留》嗰啲呀？」众人即席合唱《主能够》，笑爆全场！

　　谈到妹妹郭嘉盈参选《全民造星IV》，193自爆有叫花姐造马让妹妹入围，但估计妹妹不入围。他说：「阿妹事前有告诉我，我叫她唔好搞咁多嘢，阿妹辞了Big4的工作来参赛，可能唔知阿哥垃圾，做193阿妹冇用，要做鲁庭晖（高层）个妹先有用，哈哈！不过已有大品牌搵阿妹拍广告，希望之後搵埋我！」肥仔爆193曾叫自己教阿妹跳舞，但他认为应由「形体大师」193亲自教授。笑问193会否教阿妹重现经典表演《大懒堂》或断手？他笑说：「断手就唔好！要使十几万㗎！」

　　阿Dee同样认为女友文芊澄不入围，皆因今年竞争激烈，笑说：「想叫花姐开队『凑人数练习生』，起码家属都有谢礼！」193即谓若两个家属都不入99强，阿Dee便辞职。保錡指肥仔有份为《造星IV》「选妃」，但只是「有位就坐」帮忙教跳舞，没生杀大权！